CAR: Abasirikare barashe mu bigaragambyaga

Image caption Abasirikare bo mu mutwe wa MISCA muri Centreafrique

Abasirikare bo muri Tchad bari mu ngabo nyafurika zagiye kugarura amahoro muri Centrafrique barashe abantu bakoraga imyigaragambyo mu murwa mukuru Bangui, bica umuntu umwe.

Abakristu babarirwa mu majana bari bakoraniye hanze y'ikibuga cy'indege i Bangui basaba ko perezida Michel Djotodia ava ku butegetsi naho ingabo zo muri Tchad zikava mu gihugu cyabo.

Bwana Djotodia yahoze ari inyeshyamba, akaba ariwe muyisilamu wa mbere ugiye ku butegetsi muri icyo gihugu kiganjemo abakristu.

Abo bakristu bigaragambyaga bari barimo gutera amabuye barega ingabo za Tchad ko zifatanya n'inyeshyamba.

Abakristu bamaze igihe batera abayisilamu muri icyo gihugu kirimo intambara.