Misiri: Ubushyamirana muri Kaminuza ya Al-Azhar

Abapolisi ba Misiri

Abanyeshuri bashyigikiye ishyaka rya Muslim Brotherhood mu Misiri barwanye n'igipolisi mu kigo cya kaminuza cyiza cya Al-Azhar kiri mu murwa mukuru wa Cairo.

Umunyeshuri umwe yapfuye. Abategetsi bavuze ko abo banyeshuri bashatse kubuza bagenzi babo gukora ikizamini maze batwika inzu y' igisata cy'abiga iby'ubucuruzi igihe polisi yazaga.

Uwundi muriro watangiye mu nzu y' igisata cy'abiga iby'ubuhinzi.

Igipolisi cyataye muri yombi abagera kw'ijana.

Izi mvururu zibaye hashize umunsi umwe abantu 5 bishwe hirya no hino mu Misiri kubera imirwano yabaye hagati y'abashinzwe umutekano n'abarwashyaka ba Muslim Brotherhood.