Iraq: Umushingamateka Al-Alwani yafashwe

Ahmed al-Alwani

Abashinzwe umutekano muri Iraq bishe abantu 6 mu mvururu zabaye igihe bari baje gufata umushingamateka w'umuSunni ushyigikiye abigaragambya barwanya leta.

Iyo mirwano yatangiriye ku nzu ya Ahmed al-Alwani iri mu burengerazuba bw'umujyi wa Ramadi, igihe abamucungera umutekano n'abavandimwe be bashakaga kumurinda.

Murumuna we Ali ari mu bapfuye. Biravugwa ko abantu bagera mu majana bamushyigikiye bari bitwaje ibirwanisho baje hanze y'inzu ye nyuma yo kumutwara.

Umutwe w'abashingamateka Iraqiya, bashyigikiye bwana Al-Alwani, wasabye ko yarekurwa.