Urubanza rwa Morsi rwasubitswe

Image caption Uwahoze ari perezida wa Misiri, Mohamed Morsi

Urukiko muri Misiri rwasubitse urubanza rw'uwahoze ari umukuru w'icyo gihugu wahiritswe ku butegetsi, Mohamed Morsi.

Urubanza rwimuriwe ku itariki ya 1 z'ukwezi gutaha.

Umucamanza yavuze ko kajugujugu yari kugeza bwana Morsi ku rukiko mu murwa mukuru Cairo yahagaritswe n'ibihe bibi.

Ariko Essam El-Erian, umwe mubashinjwa hamwe na Morsi, yasakurije mu rukiko avuga ko bwana Morsi atazitabira urukiko avuga ko rutemewe n'amategeko.

Bwana Morsi n'abandi bahoze ari abategetsi muri Misiri bararegwa gushishikariza ubwicanyi bw'abantu bari mu myigaragambyo muri 2012 mbere yuko ahirikwa ku butegetsi n'igisirikare.

Ibindi birego aregwa birimo kugambana n'imitwe y'abanyamahanga y'intagondwa zigendera ku matwara ya islamu n'ibikorwa byo gutoroka gereza.