CAR: Michel Djotodia yeguye

Image caption Michel Djotodia yavuye ku butegetsi muri Centreafrique

Umukuru w'igihugu wa leta y'agateganyo muri Centreafrique, Michel Djotodia, yeguye.

Icyo gikorwa kije nyuma y'ibirego byakomeje kuvuga ko atashoboye guhagarika imirwano ishingiye ku ma dini muri cyo gihugu.

Ejo muri Tchad habereye inama idasanzwe y'abakuru b'ibihugu byo mu karere yarigamije kwiga ikizamubaho.

Abantu babarirwaga mu bihumbi bakomeje kwigaragambiriza mu murwa mukuru Bangui basaba ko uwo mugabo ava ku butegetsi.

Bwana Djotodia yafashe ubutegetsi umwaka ushize afashijwe n'inyeshyamba z'abayisilamu.

Kuva yafata ubutegetsi, igihugu cyaguye mu mvururu, amakimbirane aracyakomeje nubwo ingabo z'abafaransa n'abanyafurika zaje muri icyo gihugu kubungabunga amahoro.