Ubuzima bwa Ariel Sharon mu mafoto

Ariel Sharon wigeze kuba ministri w'intebe wa Israheli yitabye imana.

Ariel Sharon, 2005
Insiguro y'isanamu,

Ariel Sharon yitabye imana afite imyaka 85. Yari amaze imyaka 8 muri coma.

Insiguro y'isanamu,

Sharon yavukiye muri Palestine yategekwaga n'abongereza mu mwaka wa 1928. Yarwanye intambara hagati ya Israheli n'abarabu muri 1948-1949. Yayoboye ibitero byinshi mu myaka ya 1950. Hari n'abasirikare yari ayoboye mu ntambara y'iminsi 6 yo muri 1967.

Insiguro y'isanamu,

Mu 1971, Sharon (uri hagati) yayoboye igikorwa cyo gusenya amazu 2000 y'abanyapalestina muri gahunda kwirukana abarwanyi baharaniraga ubwigenge bwa Palestine. Yahavanye akazina k'akabyiniriro ka tingatinga (Bulldozer).

Insiguro y'isanamu,

Mu 1973, Sharon yarwanye mu ntambara yo mu Burasirazuba bwo hagati ariko nyuma ava mu gisirikare ajya gushinga ishyaka rya Likud. Igihe yari ministri w'ubuhinzi muri leta ya Menachem Begin, yatangije gahunda yo kubaka mu ntara z'abanyapalestina Israheli yigaruriye muri 1967.

Insiguro y'isanamu,

Igihe yari ministri w'ingabo, Sharon yategetse ko Israheli itera Libani mu mwaka wa 1982. Yafashe icyemezo cyo kureka abasirikare by'abakristu kwinjira mu nkambi z'impunzi za Sabra na Shatila guhigamo abarwanyi b'abanyapalestina yakekaga ko bari bazihishemo.

Insiguro y'isanamu,

Sharon yari afashijwe cyane n'umugore we wa kabiri, Lili n'abahungu be Omri na Gillad. Umugore we wa mbere - wari umuvandimwe wa Lili - yari yarahitanywe n'impanuka y'imodoka muri 1962. Umugore we Lili yitabye imana muri 2000

Insiguro y'isanamu,

Mu mpera y'imyaka ya 1990 niho Ariel Sharon yongeye kuvugwa cyane. Muri 1999, yatorewe kuba umukuru w'ishyaka rya Likud. Aha yari ministri w'ububanyi n'amahanga arimo asuhuzanya na Perezida Bill Clinton.

Insiguro y'isanamu,

Kugirango arengere leta ya Israheli, Sharon yafashe icyemezo cyo kuvana mu ntara ya Gaza n'agace ka Cisjordania abanyaisiraheli bari barahatujwe; ubwo hari muri 2005. Icyo gikorwa cye cyarakaje benshi mu bamushyigikiye bituma arushaho gukaza umutekano we.

Insiguro y'isanamu,

Mu 2000, igihe hariho umwuka muba, Sharon yasuye urusengero rwa Temple Mount/Dome of the Rock rwubashywe cyane n'abayahudi n'abayislamu maze bituma abanyapalestina barushaho gusaba uburenganzira bwabo.

Insiguro y'isanamu,

Mu 2001, Ariel Sharon yatsinze amatora rusange kubera ko yari yijeje abaturage b'igihugu cye ko azabonera umuti ibitero by'abanyapalestina. Ariko ibikorwa by'urugomo byarakomeje n'ibiganiro by'amahoro biradindira. Byatumye Sharon arushaho kutumvikana n'abanyapolitiki b'abanyapalestina.