Sudani yepfo: imirwano mu mujyi wa Bor

Inyeshyamba zo muri Sudani yepfo
Image caption Inyeshyamba zo muri Sudani yepfo

Igisirikare cyo muri Sudani yepfo kiri mu mirwano igamije kwisubiza umujyi wa Bor - wa nyuma mu mijyi ikomeye ikiri mu maboko y'inyeshyamba.

Ibikoresho bya gisirikare birimo biranyuzwa mu ruzi kugirango bigere kuri uwo mujyi.

Ku wa gatanu, ingabo za leta zigaruriye umujyi wa Bentiu ariko rero Riek Mashar uyoboye inyeshyamba zari zarawigaruriye yavuze ko bawusohotsemo kugirango amaraso y'abaturage b'abasivili atameneka.

Umuryango uharanira gukumira amakimbirane ku isi - ICG - uravuga ko abantu bagera ku bihumbi 10 bamaze kugwa mu mirwano yatangiye ku itariki ya 15 z'ukwezi gushize hagati y'ingabo za leta n'inyeshyamba za Riek Mashar wahoze yungirije umukuru w'igihugu.