Assad: Ibitekerezo by'ubuhezanguni biteye isi impungenge

Uwufise ububasha kw’isanamu Reuters
Image caption Perezida wa Syria Bashar al-Assad

Perezida Bashar al-Assad, yagabishije ko ibitekerezo by'ubuhezanguni by'intagondwa bigendera ku matwara akaze ya islamu bikomeje gutera impungenge isi yose, ko atari gusa mu karere ko mu burasirazuba bwo hagati.

Ibi bwana Assad yabivugiye mu nama na ministiri w'ububanyi n'amahanga wo muri Irani, Mohammad Javad Zarif, wari watembereye icyo gihugu.

Bwana Zarif yasabye impande zose gushyira hamwe mu kurwanya ubuhezanguni.

Ibi bije nyuma y'amakuru uwungirije ministiri w'ububanyi n'amahanga wa Syria, Faisal Mekdad, yavuze ko inzego z'ubutasi z'Uburayi zahuye na leta ya Syria mu murwa mukuru Damas kuganira ku ngingo yo kurwanya ibikorwa by'intagondwa byo gutera ubwoba biterwa n'imitwe igendera kw'idini rya Isilamu.

Hagati aho umunyamabanga mukuru wa LONI, Ban Ki-Moon, yavuze ko kimwe cya kabiri cy'abaturage bo muri Syria - barenga miliyoni 9 - bakene imfashanyo.

Ibi yabivugiye mu mishyikirano yo gushaka inkunga yabereye muri Kuwait, aho ONU isaba miliyaridi 6.5 z'amadollari zo kwita kuri iki kibazo.

Kuwait yemeye gutanga miliyoni 500 z'amadollari na leta zunze ubumwe z'Amerika yemera gutanga miliyoni 380.