Ukraine: Impirimbanyi zavuye muri ministeri

Uwufise ububasha kw’isanamu AFP
Image caption Umutekano muke muri Ukraine urakomeje

Abigarambyaga muri Ukraine bamagana leta bavuye muri ministeri y'ubutabera mu murwa mukuru Kiev.

Umuvugizi yabwiye BBC ko abo bantu bavuye muri yo nzu kubera ko batashakaga kwiyenza ku butegetsi.

Ministiri w'ubutabera, Olena Lukash, yari yavuze ko aza gushyiraho amategeko y'umukwabu niba abo bigaragambya batavuye muri ministeri.

Ariko hanze y'iyo ministeri hari impirimbanyi zibarirwa muri 30 zivuga ko nta muntu ziri bwemere kwinjira muri iyo nzu.

Mu nyandiko basohoye hamwe, abakuru b'abatavuga rumwe na leta batangaje ko biteguye gukomeza ibiganiro na leta, ariko bagabisha ko kwihangana kw'abo bigaragambya gushobora kurangira igihe icyaricyo cyose.

Inama idasanzwe mu nteko ishinga amategeko ejo kuwa kabiri iziga kuri iki kibazo cya politike.

Abanyamakuru bavuze ko ikibazo cya politike icyo gihugu kirimo gisa n'igikomeje gukara, mbere y'inama idasanzwe iteganyijwe mu nteko ishinga amategeko ejo kuwa kabiri.

Abatavuga rumwe na leta n'ingabo zishinzwe umutekano bakomeje gukozanyaho, imvururu zikaba zikomeje kugera mu turere turimo abashyigikiye perezida Viktor Yanukovych mu burasirazuba bw'igihugu.