CAR: Abayisilamu barahunga Bangui

Uwufise ububasha kw’isanamu REUTERS Joe Penney
Image caption Abantu barahunga Bangui kubera imvururu

Ababyiboneye n'amaso yabo i Bangui, umurwa mukuru wa Centreafrique, bavuze ko amakamyo atwaye abayisilamu bagera ku bihumbi yavuye muri uwo mujyi, aherekejwe n'ingabo za Tchad.

Iki n'ikivunge cy'abantu bakomeje guhunga imvururu zishingiye ku madini hagati y'abayisilamu na banyamwinshi b’abakirisitu.

Abayisilamu babarirwa mu bihumbi bamaze guhungira mu bihugu by'abaturanyi bya Tchad na Cameroun.

Umunyamakuru wa BBC aravuga ko abasiyilamu bamaze gushira mu bice bari batuyemo mu mujyi wa Bangui n’indi mijyi.

Utu duce twarasahuwe, amazu n'imisigiti byarasenywe.