Ntaganda yagejejwe imbere y'urukiko

Uwufise ububasha kw’isanamu AFP
Image caption Bosco Ntaganda ari mu rukiko rwa ICC i La Haye

Bosco Ntaganda, wahoze ari umukuru w'umutwe w'inyeshyamba muri Repubulika Iharanira demokarasi muri Congo, ari imbere y'urukiko mpuzamahanga mpanabyaha, ICC, ruri i La Haye.

Ariko arahakana ibyaha byakorewe mu ntambara aregwa kuba byarabereye muri Repubulika Iharanira demokarasi ya Congo imyaka icumi ishize.

Bosco Ntaganda - uzwi muri Congo nka "The Terminator" - niwe muntu wa mbere uregwa ibyaha muri urwo rukiko witanze kubushake bwe.

Umwaka ushize jenerali Ntaganda yitanze mu biro by'uhagarariye Leta zunze ubumwe z'Amerika mu Rwanda.

Bwana Ntaganda - wari umwe mu bantu bashakagwa cyane n'urwo rukiko rw'i La Haye - araregwa ibyaha 18 bimwe muri byo birimo gukoresha abana b'abakobwa ku rugamba no kubakoresha ibikorwa by'ubusambanyi nk'abacakara.

Uyu munsi abacamanza barareba niba hari ibimenyetso bihagije byo gutangira urubanza.