Umukuru wa Banki nkuru ya Nigeria yirukanwe ku kazi

Perezida wa Nigeria, Goodluck Jonathan Uwufise ububasha kw’isanamu Reuters
Image caption Perezida wa Nigeria, Goodluck Jonathan

Perezida wa Nigeria, Goodluck Jonathan, yahagaritse ku mirimo ye umukuru wa Banki nkuru y'igihugu- Lamido Sanusi - washinje ikigo cya leta gishinzwe peteroli kudashyira muri iyo banki amafaranga cyinjije abarirwa muri za miliyari nyinshi z'amadolari.

Itangazo rya leta ya Nigeria riravuga ko Bwana Sanusi yahagaritswe ku mirimo ye kubera icyo ryise 'ibikorwa binyuranye by'imyitwarire mibi mu micungire y'imali'.

Lamido Sanusi yagize uruhare rukomeye mu kurwanya uburiganya mu mabanki yo muri Nigeria kandi yateganyaga kwegura mu kwezi kwa gatandatu.

Umunyamakuru wa BBC uri i Lagos aravuga ko ibivugwa na Bwana Sanusi bishobora kwanduza isura y'Umukuru w'igihugu na bamwe mu baministri be mbere y'amatora ateganijwe mu mwaka utaha.