Nigeria: ubwicanyi buravugwa mu majyaruguru

Abasirikare ba Nigeria mu gikorwa cyo kurwanya intagondwa z'abayislamu Uwufise ububasha kw’isanamu AFP
Image caption Igisirikare cya Nigeria kiri mu gikorwa cyo guhashya intagondwa zitwaje intwaro.

Mu majyaruguru y'uburasirazuba bwa Nigeria haravugwa ibindi bikorwa by'ubwicanyi byahitanye abantu babarirwa muri za mirongo.

Umuturage utuye mu murenge wa Jakana hafi y'umujyi wa Maiduguru muri leta ya Borno yabwiye BBC ko abantu byibura 40 baraye baguye mu gitero cy'intagondwa z'abayislamu.

Amajyaruguru ya Nigeria akomje kwibasirwa n'ibitero by'intagondwa z'abayisilamu zo mu mutwe wa Boko Haram nubwo hari igikorwa gikomeye cy'ingabo za leta cyo kurwanya izo ntagondwa.

Ku cyumweru nijoro, abantu bagera kuri 30 baguye mu gitero cyagabwe mu mujyi wa Mafa.

Naho ku wa gatandatu abantu bagera kuri 90 barishwe, benshi muri abo bahitanywe n'ibisasu byaturikiye mu mujyi wa Maiduguru.