Somalia: al-Shabaab yagabweho igitero

Ingabo za Amisom zitera inkunga leta ya Somalia Uwufise ububasha kw’isanamu AFP
Image caption Ingabo za Amisom zitera inkunga leta ya Somalia

Abategetsi bo muri Somalia baravuga ko ingabo za Ethiopia n'ingabo za leta ya Somalia zigaruriye akarere ka Radbure kari hagati mu gihugu.

Ako karere kagenzurwaga n'intagondwa z'abayislamu zo mu mutwe wa Al Shabaab.

Abaturage bo mu karere ka Radbure - mu ntara ya Bakol - baravuga ko habaye imirwano ikomeye kandi ko abantu byibura 12 bishwe.

Hari amakuru avuga ko ingabo za Ethiopia zirimo kwerekeza mu mujyi wa Hudur - umurwa mukuru w'intara ya Bakol - ugenzurwa n'umutwe wa Al Shabaab.

Umunyamakuru wa BBC uri muri Somalia aravuga ko ibi bishobora kuba intangiriro y'igitero simusiga leta ya Somalia iherutse kuvuga ko igiye kugaba ku mutwe wa Al Shabaab.

Uwo mutwe ubu ugenzura uturere twinshi turi mu majyepfo ya Somalia no hagati mu gihugu.