Irak: umwiyahuzi yahitanye abantu byibura 32

Umwiyahuzi yahitanye abantu 32 mu mujyi wa Hilla Uwufise ububasha kw’isanamu Reuters
Image caption Umwiyahuzi yahitanye abantu 32 mu mujyi wa Hilla

Muri Irak umwiyahuzi yiturikirijeho ibisasu byahitanye abantu byibura 32 kuri bariyeri y'inzego zishinjwe umutekano mu mujyi wa Hilla wiganjemo abayisilamu b'abashia mu majyepfo y'umujyi wa Baghdad.

Igipolisi kiravuga ko uwo muntu yari atwaye imodoka ya minibisi yuzuyemo ibisasu mu gihe hari urujya n'uruza rw'abantu benshi mu gitondo cy'uyu munsi.

Igipolisi kiravuga kandi ko benshi mu bapfuye bahiriye imbere mu modoka zabo.

Abandi bantu barenga 150 ngo bakomeretse.

Kugeza ubungubu nta mutwe wari wiyemerera ko wari inyuma y'icyo gitero.

Ariko rero intagondwa z'abayisilamu b'abasuni zakunze kwibasira abayislamu b'abashia n'abakozi b'inzego zishinzwe umutekano muri gahunda yo kugerageza kwinjiza igihugu cya Irak mu ntambara ishingiye ku madini.