Abashyigikiye Muslim Brotherhood bacatiwe ibihano by'urupfu

Uwufise ububasha kw’isanamu Getty
Image caption Mohammed Morsi wahoze ari perezida mu Misiri

Abantu 528 bashyigikiye umutwe waciwe Muslim Brotherhood baciriwe ibihano by'urupfu n'urukiko mu Misiri.

Abo bantu bahamwe n'ibirego byo kwica umupolisi, no gutera inzu nyuma yo kuyibasira igihe berekanaga ko bashyigikiye perezida Mohammed Morsi, wahiritswe ku butegetsi.

Ibyo bikorwa byahagaritswe ku ngufu n'igipolisi gishinzwe umutekano mu kwezi kwa munani ku mwaka ushize.

Muri abo bakatiwe, abagera ku 150 barafunze, abandi baciriwe urubanza badahari.

Umunyamakuru wa BBC aravuga ko ibyo bihano byaciwe vuba vuba.

Ababuraniraga abo bantu bavuze ko batahawe igihe cyo kuburana.

Haravugwaho ko abo bantu bazajurira.

Ibihano by'urupfu bisanzwe bitangwa mu Misiri, ariko ntibijya bikorwa.