Kenya: Abantu hafi 200 bafashwe ku bitero

Uwufise ububasha kw’isanamu AFP
Image caption Croix Rouge itabara imbabare zo mu bitero bya Eastleigh

Igipolisi muri Kenya kiravuga ko cyafashe abantu barenga 600 nyuma y'ibitero byabaye ejo ni mugoroba mu murwa mukuru Nairobi, aho abantu byibura 6 baguye.

Abagera kuri 200 muri abo bavugwaho ko bashyigikiye umutwe wo muri Somaliya ugendera ku matwara akaze y'idini rya Islamu, al-Shabaab, wagabye igitero cyahitanye abantu benshi ku nzu y'ubucuruzi ya Westgate i Nairobi.

Abatuye muri ako gace ka Eastleigh - gatuwe cyane n'abanyesomaliya - baravuga ko ingabo zishinzwe umutekano zakoze imikwabo ku mazu, aho basabaga ruswa.

Hanakomeretse abandi bantu benshi muri ibyo bitero bitatu byabereye hafi icya rimwe mu gace kitwa Eastleigh, aho abanyasomaliya benshi batuye, kandi bakorera.

Igipolisi kiravuga ko ibyo bisasu byaturikiye mu nzu z'uburiro za restora ebyiri no ku bitaro bito, bishobora kuba byaratewe n'amagrenade n'akuma gatera ibintu gaturika.

Hari ibindi bitero byinshi nk'ibi byabaye muri Nairobi na Mombasa mu mezi ashize, aho igipolisi gishinja abahezanguni bagendera ku matwara akaze y'idini rya Islamu.