Ségolène Royal yinjiye muri leta

Ségolène Royal yigeze kubana na Francois Hollande Uwufise ububasha kw’isanamu Getty
Image caption Ségolène Royal yigeze kubana na Francois Hollande

Ministri w'intebe mushya w'Ubufaransa, Manuel Valls, yatangaje abagize leta nshya.

Muri iyo leta harimo, Ségolène Royal, wigeze kwiyamamariza kuyobora Ubufaransa akaba yarigeze no kubana na Perezida Francois Hollande nk'abashakanye.

Yahawe minisiteri yo kurengera ibidukikije muri iyo leta nshya yahinduwe cyane nyuma yaho ishyaka ry'abasosiyalisti riri ku butegetsi ritsindiwe cyane mu matora y'amakomine.

Minisiteri ikomeye cyane y'imali yahawe Michel Sapin wari ushinzwe minisiteri y'abakozi akaba amaze igihe kirekire ari umuntu wa hafi cyane kuri Perezida Hollande mu rwego rwa politiki.

Laurent Fabius yagumye ku mwanya wa minisitiri w'ububanyi n'amahanga naho Jean Yves Le Drian aguma ku mwanya wa minisitiri w'ingabo.

Muri iyi leta nshya ntoya, abaministiri 8 kuri 16 ni abagore.