"Kwiyomekaho Crimeya n'ibyago" Yanukovich

Viktor Yanukovych Uwufise ububasha kw’isanamu AP
Image caption Viktor Yanukovych

Viktor Yanukovych wavanywe k'ubutegetsi mu gihugu cya Ukraine yavuze ko icyemezo cy'Uburusiya cyo kwigararura akarere ka Crimeya ari ibyago byagwiriye Ukraine.

Mu kiganiro cya mbere yagiranye n'itangazamakuru kuva yahungira mu Burusiya, Bwana Yanukovych yavuze ko Uburusiya butari gutwara Crimeya iyo aguma ku butegetsi.

Ngo agiye ariko kugerageza kumvisha Perezida w'Uburusiya Vladmir Putin gusubiza Ukraine ako karere.

Naho ku bikorwa by'urugomo byibasiwe umurwa mukuru Kiev mu kwezi kwa 2 bikagwamo abantu hafi 100, Yanukovych yavuze ko atigeze ategeka igipolisi kurasa mu bari mu myigaragambyo.

Yavuze ahubwo amasasu yaturutse mu mazu yagenzurwaga n'abatavugaga rumwe na leta.