Iperereza ku bwicanyi muri Ukraine

Uwufise ububasha kw’isanamu AFP
Image caption Igihe abigaragambyaga bakozanagaho n'igipolisi muri Ukraine

Minisitiri w'ubutegetsi bw’igihugu wa Ukraine, Arsen Avakov, yavuze ko iperereza rya leta ryerekanye ko igipolisi cyakuweho cyari gishinzwe kurwanya imvururu, Berkut, aricyo cyishe abantu bari mu myigaragambyo yarwanyaga ubutegetsi bari mu kibuga kiri mu murwa mukuru, Kiev, mu kwezi kwa 2.

Yabwiye abanyamakuru ko iperereza rigaragaza ko hari imbunda imwe yakoreshejwe kwica abantu 8.

Abasirikare 3 bo mu rwego rwo hejuru bamaze gufatwa.

Hagati aho, ministiri w'intebe, Arseniy Yatsenyuk, yabwiye BBC ko ari nta gushidikanya ko uwahoze ari perezida, Viktor Yanukovych, n'abari bamushyigikiye, bagize uruhare muri ubwo bwicanyi.

Umukuru w'urwego rushinzwe umutekano muri Ukraine, Valentyn Nalyvaychenko, yavuze ko Uburusiya nabwo bwabigizemo uruhare, bwohereza intwaro, n’abakozi bo mw'iperereza kujya gufasha gutegura ubwo bwicanyi.