Nigeria: Igitero gishya cyahitanye benshi

Image caption Boko Haram ikomeje ibikorwa by'iterabwoba muri Nigeriya

Abacyekwaho ko ari intagondwa zigendera ku matwara akaze y'idini rya Islamu zishe abantu byibura 18 mu majyaruguru y'uburasirazuba bwa Nigeriya.

Icyo gitero ku murenge mu karere ka Gwoza, kari mu ntara ya Borno, cyibaye umunsi umwe nyuma y'aho abakobwa 100 bashimutiwe kw'ishuri muri yo ntara n'abo bacyekwaho kuba ari intagondwa za Boko Haram.

Igisirikare n'ingabo zo mu kirere za Nigeriya zikomeje ibikorwa byo gushakisha abo banyeshuri bashimutiwe mu gace kari mw'ishyamba mu ntara ya Borno, hafi y'umupaka na Cameroun.

Ariko umunyamakuru wa BBC aravuga ko ari inshuro nke igisirikare cyabashije kuvana izo ntagondwa muri ayo mashyamba zihishamo.