Ukraine irashinja Uburusiya iterabwoba

Uwufise ububasha kw’isanamu Getty
Image caption Ministiri w'intebe w'agateganyo wa Ukraine, Arseniy Yatseniuk arashinja Uburusiya

Ministiri w'intebe w'agateganyo wa Ukraine aravuga ko Uburusiya burikuzana ibikorwa by'iterabwoba muri cyo gihugu, kandi ko bushaka guhungabanya ubwigenge bwa Ukraine.

Ibi Arseniy Yatseniuk yabivuze mu gihe abitwaje intwaro bari mu mutwe urwanya leta y’i Kiev bigaruriye indi nzu iri mu mujyi wa Donetsk uri mu burasirazuba.

Ingabo z'icyo gihugu nazo zitangiye kugana muri iyo ntara nyuma yo kwigarurira ikigo cy’abasirikare barwana mu kirere kiri mu mujyi wa Kramatorsk.

Hagati aho ariko imodoka z’igisirikare za Ukraine zafashwe n'abantu bitwaje intwaro bashyigikiye Uburusiya.

Ministiri w'ingabo wa Ukraine arasura ako karere kugirango akemure iki kibazo.