Infungwa za politike zarekuwe

Uwufise ububasha kw’isanamu
Image caption Pagan Amum - umwe mu barekuwe na Sudani y'epfo

Sudani y'epfo yarekuye abanyapolitiki 4 bo mu rwego rwo hejuru baregwaga gushaka guhirika ubutegetsi mu kwezi kwa 12

Ibyo bikozwe nyuma y'icyemezo cyafashwe na leta cyo guhanagura ibirego by'ubugambanyi yabaregaga.

Abo bagabo, barimo uwahoze ari umuyobozi w'ishyaka SPLM riri ku butegetsi, bacyiriwe n'ibyishimo n'ababashyigikiye.

Ariko igihe bageragezaga gufata indege bagana muri Kenya, abashinzwe umutekano babatse impapuro z'inzira, bita passport.

Abo banyepolitike bose bahakanye uwo mugambi wo gushaka guhirika ubutegetsi ndetse no kuba bafite uruhare mu mirwano ibera muri icyo gihugu imaze guhitana abantu babarirwa mu bihumbi.

Abandi bantu 7 batawe muri yombi mu mwaka ushize, barekuwe mu kwezi kwa mbere.

Irekurwa ry'aba banyapolitiki ryari mu bintu bimwe by'ingenzi byasabwaga n'inyeshyamba zishyigikiye, Riek Machar, wahoze ari visi perezida.