Imyaka 20 ya demokarasi muri Afurika yepfo

Nelson Mandela amaze kurekurwa muri 1990 Uwufise ububasha kw’isanamu AFP
Image caption Nelson Mandela amaze kurekurwa muri 1990

Muri Afurika yepfo baribuka kuri iki cyumweru imyaka 20 ishize babonye demokarasi isesuye.

Hirya no hino mu gihugu habaye ibirori binyuranye byo kwibuka iyo sabukuru.

Imihango yo kwibuka umunsi habayeho amatora rusange yavanyeho ubutegetsi bw'abanyamuke b'abazungu byatangijwe n'igikorwa cyo kurasa ibisasu 21 n'akarasisi ko mu kirere k'indege za gisirikare za kajugujugu.

Mu ijambo yagejeje ku baturage b'igihugu cye mu murwa mukuru Pretoria, Perezida Jacob Zuma yabibukije igihe nyakwigendera Nelson Mandela yavugaga ati: 'Afurika yepfo ubu ifite ukwishyira ukwizana'.

Iyi sabukuru ibaye hasigaye icyumweru kimwe gusa kugirango muri Afurika yepfo habe amatora rusange.

Ishyaka rya ANC riri ku butegetsi ntibiryoroheye cyane kugirango rigumane ubutegetsi ryagiyeho kuva aho ingoma y'ivanguramoko isezerewe muri 1994