Misiri: 700 basabiwe ibihano by'urupfu

Uwufise ububasha kw’isanamu AP
Image caption Mohammed Badie, umwe mu basabiwe igihano cy'urupfu

Umucamanza wo mu Misiri yasabiye igihano cy'urupfu abayoboke bagera kuri 700 b'ishyaka Muslim Brotherhood.

Muri abo harimo n'umuyobozi w'iryo shyaka, Mohammed Badie.

Abo bagabo bahamijwe icyaha ku mvururu zabaye no kwica no gukomeretsa abapolisi mu mujyi wa Minya mu mwaka ushize.

Uru rubanza rwohererejwe ku muyobozi w'ikirenga w'abayisilamu bo mu Misiri, Grand Mufti, kugira ngo arusuzume, mbere y'icyemezo cya nyuma kizafatwa mu mpera z'ukwezi kwa 6.

Uru rukiko kandi rwemeje ibihano by'urupfu ku bayoboke bagera kuri 40 ba Muslim Brotherhood bahamijwe ibyaha mu rubanza nk'uru mu kwezi gushize.

Abandi bagera kuri 500 bari barakatiwe urupfu bagabanirijwe ibihano, bahabwa igifungo cya burundu.