Igitero ku mpirimbanyi muri Ukraine

Uwufise ububasha kw’isanamu Reuters
Image caption Imirwano hagati ya leta n'impirimbanyi irakomeje muri Ukraine

Ingabo za Ukraine zatangiye igikorwa cyo kurwanya impirimbanyi zishyigikiye Uburusiya mu mujyi wa Sloviansk.

Ministiri w'ubutegetsi, Arsen Avakov, yavuze ko ingabo za leta zigaruriye bariyeri 9 muri uwo mujyi uri mu burasirazuba bw'igihugu, naho abo bashyigikiye Uburusiya bavuga ko bakigenzura 3.

Kajugujugu 2 za Ukraine zahanuwe n’abadereva bazo barapfa.

Ukraine yavuze izo kajugujugu zahanuwe n’ibisasu bihanura indege.

Umuvugizi wa ministeri y'ingabo yavuze ko abantu 4 bacyekwa ko aribo barashe izo kajugujugu batawe muri yombi.

Indorerezi 7 mpuzamahanga na 4 zo muri Ukraine zo mw'ishyirahamwe rishinzwe umutekano n'imibanire y'ibihugu by'Uburayi (OSCE) zafashwe mu cyumeru gishize, ziracyari mu maboko y’impirimbanyi zishyigikiye Uburusiya muri uwo mujyi wa Sloviansk.