OMS: Inzoga zica benshi buri mwaka

Image caption OMS ifite impungenge mu kuntu abantu banywa inzoga nabi

Ishami ry'umuryango w'abibumbye rishinzwe ubuzima - OMS - riravuga ko gukoresha nabi inzoga bihitana abantu barenga miliyoni 3 buri mwaka.

OMS ikaba yasabye ibihugu gukora iyo bwabaga ngo bigabanye kunywa inzoga byangiza ubuzima.

OMS iravuga ko kunywa inzoga birengeje urugero bitera indwara zirenga 200.

Iri shami riravuga kandi ko uretse indwara, inzoga zituma haba impfu nyinshi kubera imvururu n'impanuka.

OMS yongeraho ko abanyaburayi aribo banywa cyane kurusha abandi, ariko no mu bihugu by'ubushinwa n'ubuhinde ngo kunywa inzoga bimaze kwiyongera.

OMS iravuga kandi ko hafi kimwe cya kabiri cy'abantu bakuru kw'isi batarigera banywa inzoga.