Ministiri w'intebe mushya mu Buhinde

Uwufise ububasha kw’isanamu Reuters
Image caption Narendra Modi w'ishyaka BJP ryatsinze amatora mu Buhinde

Narendra Modi, umuyobozi w’ishyka BJP, rimaze gutsinda amatora yo mu Buhinde, yavuze ko azaba umutegetsi w'abaturage bose bo muri icyo gihugu.

Bwana Modi, uzaba minisitiri w’intebe, yabwiye abamushyigikiye bo mu ntara akomokamo ya Gujarat, ko bamuhaye inshingano ikomeye.

Yavuze ko leta ye izakora yivuye inyuma kugira ngo igere ku nzozi z'abaturarge bose bo mu Buhinde barenga miliyari imwe.

Amajwi amaze kubarurwa kugeza ubu arerekana ko ishyaka BJP rya bwana Modi, ryahawe amajwi menshi ku buryo rizategeka ridakeneye gufatanya n’irindi shyaka.

N’intsinzi ikomeye ku ishyaka iryo ariyo ryose muri icyo gihugu mu myaka 30 ishize.

Imigabane mu bucuruzi yazamutse kubera ibyo ishyaka BJP ryiyejemeje gukora mu kuzahura ubukungu bw'igihugu.