Amatora akomeye muri Ukraine

Amatora yabangamiwe n'abashaka kwivana kuri Ukraine Uwufise ububasha kw’isanamu AFP
Image caption Mu burasirazuba hari aho amatora yabangamiwe n'abashaka kwivana kuri Ukraine

Kuri iki cyumweru abaturage ba Ukraine bazindukiye mu matora y'umukuru w'igihugu nubwo bwose hari umutekano muke mu burasizuba bw'icyo gihugu watewe n'inyeshyamba zishigikiye Uburusiya.

Nta biro by'amatora byafunguwe mu mujyi wa Donetsk uri muri ako karere.

Bimwe muri ibyo biro biragenzurwa n'abantu bitwaje intwaro bashaka kwivana kuri Ukraine banateye ubwoba abakozi bahagarariye amatora.

Umunyamakuru wa BBC uri muri uwo mujyi aravuga ko ibi biteye impungenge abategetsi b'i Kiev bifuza cyane ko umukuru w'igihugu uzatorwa azagira ijambo mu burasirazuba bw'icyo gihugu.

Ibiro by'amatora kandi byanafunzwe mu mujyi wa Luhansk ushyigikiye abashaka kwivana kuri Ukraine.

Ariko rero ahandi mu burasirazuba biravugwa ko ibiro by'amatora byafunguye.

Abakandida 18 nibo bahatanira umwanya w'umukuru w'igihugu muri iki kiciro cya mbere cy'amatora kirimo kuba mu gihe leta ikomeje kurwana n'abashaka kwivana kuri Ukraine.