US: Umwanditsi Maya Angelou yapfuye

Umwanditsi w'ibitabo Uwufise ububasha kw’isanamu
Image caption Maya Angelou

Maya Angelou, umwanditsi w'umunyamerika, waharaniye uburengazira bw'abirabura muri Amerika, yitabye Imana afite imyaka mirongo inani n'itandatu (86).

Igice cya mbere ku gitabo ku buzima bwe bwite, "I Know Why The Caged Birds Sing", cyavugaga ukuntu yakuriye mu bihe byiganjemo ivangura ry'ubwoko rishingiye ku ibara ry'uruhu.

Yanditse avuga ukuntu yafashwe ku ngufu, nu kuntu yamaze imyaka itandatu (6) atavuga nyuma y'aho umugabo wamuhohoteye yishwe amaze kumuvuga izina. Icyo gitabo cyaguzwe na benshi.

Maya Angelou wavukiye St. Louis, mu ntara ya Missouri, yamenyekanye nk'umwe muntu bakoresha ijwi atanga inkuru bazwi muri Amerika. Yanabaye umujyanama ku ba perezida ba Amerika benshi.

Muri mirongo icyenda na gatatu (1993), Maya Angelou yasomye igisigo, ibyo bita poem mu gifaransa mu birori by'irahira ry'umukuru w'igihugu, ubwa mbere umwiraburakazi yarakoze ibi, ni inshuro ya kabiri umwanditsi ahawe iki kizere.