Umunyamakuru yatawe muri yombi

Uwufise ububasha kw’isanamu AFP
Image caption Igitangazamakuru al-Jazeera cyarahagaritswe mu Misiri

Polisi mu Misiri yataye muri yombi umugore w'umunyamakuru wikorera ku giti cye, irega ko akorera igitangazamakuru cya al-Jazeera.

Rasha Gafaar yafatiwe mu nzu mu mujyi wa Port Said mu karere ka Suez Canal aho bivugwa ko yatangarizaga amahusho ya videwo ku itanganzamakuru yohereza kuri al-Jazeera.

Al-Jazeera yahagaritswe gukorera mu Misiri.

Abanyamakuru bane ba Al- Jazeera barafunze, baregwa gutangaza amakuru y'ibinyoma, no kuba bakorana n'umutwe wa Muslim Brotherhood waciwe ku mategeko.

Urubanza rw'umwe muri abo batatu - Mohamed Fahmy, Peter Greste na Baher Mohamed - rutegerejwe gusubukurwa ku cyumweru.