Ibihumbi by'abantu birahunga Mosul

Uwufise ububasha kw’isanamu Getty
Image caption Umwe mu bantu bakomeje guhunga imvururu mu mujyi wa Mosul

IOM iravuga ko abantu bagera ku bihumbi 500 bahunze umujyi wo muri Iraki wa Mosul nyuma y'aho intagondwa z'abayisilamu zifatiye uwo mujyi.

Uwo mutwe wa Islamic State of Iraq na Levant, ISIS, uravugwaho ko ukomeje gufata utundi duce.

Hari kandi amakuru avuga ko abantu bitwaje intwaro bigaruriye umujyi wa Baiji, ucukurwamo ibitoro, mu ntara ituranye n'uwo mujyi ya Salaheddin.

ISIS - igice cyavuye kuri al-Qaeda, ubu igenzura agace kanini mu burasirazuba bwa Siriya, uburengerazuba ndetse no hagati muri Iraki.

Ministiri w'ububanyi n'amahanga wa Iraki, Hoshyar Zebari, aravuga ko abayobozi b'igihugu bagomba gufatanya bakarwanya ibi bikorwa by'iterabwoba byugarije igihugu.