Umutekano muke urakomeje muri Iraki

Uwufise ububasha kw’isanamu AFP
Image caption Intagondwa zo mu mutwe wa ISIS zigambirije gufata imijyi mikuru muri Iraki

Inteko nshingamategeko muri Iraki yasubitse amatora yagombaga gushyiraho amategeko adasanzwe mu gihe intagondwa z'abayisilamu zikomeje umugambi wo gusatira.

Umubare w’abadepite bitabiriye inteko mu nama yatumijwe na ministiri w'intebe Nouri al-Maliki ntiwari wuzuye kugira ngo amatora abe.

Umutwe w'inyeshyamba wa ISIS, bivugwa ko ufitanye umubano na al-Qaeda, uravuga ko ufite umugambi wo gufata umurwa mukuru, Baghdad.

Uwo mutwe urimo gushinga inzego z’ubutegetsi i Mosul, wafashe Tikrit, ariko ingabo za leta zifashijwe n'indege za gisirikare zashoboye gukoma imbere umuvuduko w'inyeshyamba zerekezaga mu mujyi wa Samara.

Igisirikare cy'abakurde kiravuga ko kigenzura umujyi wa Kirkuk, uri mu gace gacukurwamo peteroli nyuma y'aho ingabo za leta zimaze guhunga.