Intagondwa zagabweho ibitero muri Pakistani

Intagondwa 100 ngo zaguye muri ibyo bitero by'indege Uwufise ububasha kw’isanamu Getty
Image caption Intagondwa 100 ngo zaguye muri ibyo bitero by'indege

Indege z’intambara za Pakistani zagabye ibitero ku ndiri y’intagondwa z’abayislamu mu mujyaruguru y’uburengerazuba bw’igihugu.

Abategetsi baravuga ko intagondwa zigera kuri 100 zaguye muri ibyo bitero. Aya makuru ariko nta ruhande rudafite aho rubogamiye rwari rwayemeza.

Ibi bitero byabereye mu karere k’imisozi ka Dehgan mu ntara ya Waziristani ya ruguru ibonekamo cyane abatalibani n’intagondwa zo mu mutwe w’iterabwoba wa al-Qaeda.

Benshi mu bishwe biravugwa ko ari abo mu bwoko bwa Uzbek n’abandi barwanyi bakomoka mu mahanga.

Iki ni igitero cya kabiri muri ako karere muri kino cyumweru nyuma yaho abatalibani bo muri Pakistani bagabiye igitero ku kibuga k’indege mpuzahamanga cya Karachi ku cyumweru gishize.