Abanyamakuru ba al-Jazeera bakatiwe

Uwufise ububasha kw’isanamu Getty
Image caption Abanyamakuru ba al-Jazeera mu rukiko mu Misiri

Urukiko mu Misiri rwakatiye abanyamakuru 3 bakorera al-Jazeera igifungo cy'imyaka 7 mu buroko, nyuma yo kubahamya ibyaha byo gutangaza amakuru y'ibinyoma.

Banakatiwe kandi icyaha cyo gushyigikira umutwe wahagaritswe n'amategeko wa Muslim Brotherhood.

Abo banyamakuru - Peter Greste, ukomoka muri Australiya, akaba yaranakoreye BBC, Mohammed Fahmy, ufite ubwenegihugu bwo muri Canada na Misiri, na Baher Mohammed, umunyamisiri, bamaganye ibyo birego.

Al-Jazeera yanenze icyi cyemezo cy'urukiko, ivuga ko kirenze urugero kandi ko kibogamye.

Ministiri w'ububanyi n'amahanga wa Australiya, Julie Bishop, yavuze ko yababajwe n'iki cyemezo n'ibi bihano, yongeraho ko afite impungenge z’uko ibi bishobora kuba biri mu mugambi mugari ugamije guhagarika uburenganzira bw'itangazamakuru.