Coulson yahamijwe icyaha

Uwufise ububasha kw’isanamu
Image caption Any Coulson yahamwe n'icyaha, mu gihe Rebekah Brooks yahanaguweho ibyo yaregwaga

Urukiko hano i Londres rwahamije uwahoze ayobora ikinyamakuru, News of the World, icyaha cyo kumviriza telefone z'abantu batabizi.

Andy Coulson, wanakoze nk'umuvugizi ushinzwe itangazamakuru mu biro bya ministiri w'intebe w'Ubwongereza, David Cameron, yahakanye ibyo birego.

Bwana Cameron yasabye imbabazi zo kuba yarahaye bwana Coulson akazi - avuga ko cyari icyemezo kibi.

Abo baburanishwaga hamwe, harimo n'uwahoze ari umuyobozi w'ikigo cy'itangazamakuru, News International, Rebekah Brooks, bahanaguweho ibyo byaha.

Iki cyemezo cyafashwe nyuma y'urubanza rwatangiye mu kwezi kwa cumi ku mwaka ushize.

Urukiko rwabwiwe ukuntu telefone z'abantu babarirwa mu magana, barimo abakinnyi ba filmi n'umwana w'umukobwa wishwe, zumvirijwe batabizi kugirango icyo kinyamakuru cyafunzwe kibone inkuru zo kwandika.