Liberia: Uhisha abarwaye Ebola azafatwa

Umukuru wa Liberia Uwufise ububasha kw’isanamu Reuters
Image caption Ellen Johnson Sirleaf

Perezida wa Liberiya, Ellen Johnson Sirleaf, yavuze ko umuntu wese uzafatwa acyekwaho guhisha abarwayi ba ebola azagezwa imbere y'inkiko.

Avugira kuri radiyo y'igihugu, madamu Sirleaf yavuze ko hari abaturage benshi bakomeje guha abarwayi b'iyi ndwara amacumbi mu ngo zabo no mu biriziya aho kugirango bavuzwe.

Sierra Leone yaburiye abantu icyumweru gishize, bavuga ko bamwe mu barwayi bivanye mu bitaro, ubu bakaba bari mu bwihisho.

Ishami tya LONI ryita ku buzima, OMS, riravuga ko kuva iyi ndwara yakwaduka mu burengerazuba bw'Afrika, umubare w'abahitanywe n'iyi ndwara ariwo munini cyane mu mateka muri ako karere, aho iyi ndwara imaze guhitana abantu bagera kuri magana atatu na mirongo itandatu na barindwi (367).