Ibikorwa bya gisirikare bikomeye muri Ukraine

Uwufise ububasha kw’isanamu AFP
Image caption Umutekano uracyahungabanye muri Ukraine

Leta ya Ukraine yatangaje ko igikorwa gikomeye cya gisirikare cyatangiye mu burasirazuba bw'igihugu nyuma yaho amasezerano yo guhagarika imirwano arangiriye.

Umuvugizi wa leta yavuze ko indege za gisirikare n'intwaro zikomeye byoherejwe mu turere turi hafi y'umujyi wa Donetsk, ahantu higanje ibirindiro by'inyeshyamba.

Yavuze kandi ko abantu bitandukanije n'izo nyeshyamba barimo guha leta amakuru ku hantu hagomba kwibasirwa n'icyo gikorwa cya gisirikare.

Atangaza ejo ko kubahiriza ihagarika ry'imirwano byarangiye , Perezida wa Ukraine Petro Poroshenko, yavuze ko amahirwe yo kubona amahoro yarangiye kubera ibyo yise ibikorwa by'ubugome by'intagondwa.

Uburusiya bwo bwavuze ko bwababajwe n'icyo cyemezo.