Abantu 40 baguye mu gitero muri Nigeriya

Uwufise ububasha kw’isanamu AFP
Image caption Abarwanyi ba Boko Haram bakomeje kugaba ibitero muri Nigeriya

Abategetsi mu majyaruguru y'uburasirazuba bwa Nigeriya baravuga ko abantu barenga 40 bamaze kumenyekana ko baguye mu gitero cyagabwe n'intagondwa z'abayisilamu kuwa gatanu mu mujyi wa Damboa.

Hari havuzwe ko abantu 18 aribo baguye muri icyo gitero.

Umutwe wa Boko Haram wazamuye ibendera ryawo ry'umukara muri uwo mujyi nyuma y'icyo gitero.

Intagondwa zigendera ku matwara y'idini rya kiyisilamu zakomeje kugaba ibitero i Damboa.

Ibyo bitero byangije imashini z’amashanyarazi mu duce tumwe tw’iyo ntara ya Borno bituma abaturage, barimo n’abatuye mu murwa mukuru w’iyo ntara, Maiduguri, babura umuriro ubu hakaba hashize ibyumweru 3.