Abahezanguni bafashe ikigo cya gisirikare

Uwufise ububasha kw’isanamu Reuters
Image caption Ibendera ry'umutwe wa Islamic State i Raqqa muri Siriya

Abarwanyi bo mu mutwe w'abahezanguni, Islamic State - wahoze uzwi mu izina rya ISIS - mu majyaruguru y'uburengerazuba bwa Siriya baravuga ko bafashe igice kinini cy'ikigo cya gisirikare cya Siriya mu nkengero z'umujyi wa Raqqa.

Ibi byatangarijwe ku mbuga nkoranyambaga ya Twitter, aho uyu mutwe uvuga ko abarwanyi bawo bigaruriye ikigo cyose cy'ingabo cya diviziyo ya 17 mu ijoro ryakeye.

Ismalic State yashyize ahagaragara amashusho y'abasirikare ba Siriya baciwe imitwe nyuma y'iyo mirwano.

Igisirikare cya Siriya ntwabo kiremeza aya makuru, ariko kiravuga ko kirimo gutegura igitero cyo kurwanya uyu mutwe.

Iki kigo cya gisirikare kiri hafi ya Raqqa ni kimwe mu bigo binini mu majyaruguru y'uburengerazuba bwa Siriya.