Amnesty International iranenga Uburundi

Perezida Nkurunziza biravugwa ko ashobora kwongera kwiyamamaza Uwufise ububasha kw’isanamu AFP
Image caption Perezida Nkurunziza biravugwa ko ashobora kwongera kwiyamamaza.

Umuryango uharanira uburenganzira bw'ikiremwa muntu ku isi, Amnesty International, uravuga ko ishyaka riri ku butegetsi mu Burundi ririmo gukora ibikorwa bihoraho byo gutera ubwoba abanenga leta.

Mu cyegeranyo cyashyizwe ahagaragara uyu munsi, Amnesty International iravuga ko urubyiruko rw'ishyaka riri ku butegetsi - ruzwi ku izina ry'imbonerakure - ruhohotera, rukica kandi rukagaba ibitero ku bashyigikiye abatavuga rumwe na leta.

Uyu muryango uvuga kandi ko imitwe itavuga rumwe na leta yabujijwe guteranira hamwe mu ruhame no gukoresha imyigaragambyo.

Biravugwa ko Perezida Pierre Nkurunziza afite umugambi wo kwiyamamaza ku nshuro ya gatatu mu matora y'umukuru w'igihugu ateganijwe umwaka utaha.