Gaza: Ban Ki moon yamaganye igitero cya Israeli

Ibitero i Gaza Uwufise ububasha kw’isanamu AP
Image caption Ibitero i Gaza

Umunyamabanga mukuru wa ONU, Ban Ki-moon yamaganye igitero cya Israeli kw'ishuri ry'umuryango wa'bibumbye riri i Gaza aho abanyapalestine babarirwa mu bihumbi bacumbikiwe.

Yavuze ko ari amahano kandi ko nta mpamvu yabyo.

Bwana Ban yavuze ko ntakintu giteye isoni nko gutera abana baryamye. Yavuze ko hagomba gukorwa isuzuma kugirango bamenye umuntu wishe abana bagera kuri 15, agakomeretsa abandi benshi.

Amerika nayo yamaganye icyo gitero ariko itavuze izina rya Israeli. Abakora mu bushikiranganji bw'ubuvuzi i Gaza baravuga ko abanyapalestine barenga 100 uyu munsi bishwe.

Israeli ivuga ko ingabo zayo zasubije ibisasu byari birasiwe aho hantu.

Igisirikare cya Israeli cyavuze ko cyashyizeho ihagarikwa ry'imirwano amasaha 4 i Gaza ariko ko bitareba ahantu abasirikare bayo bari gukorera.