Al Shabaab yashyizeho umukuru mushya

Godane yaguye mu gitero cy'indege z'ingabo za Amerika Uwufise ububasha kw’isanamu AFP
Image caption Godane yaguye mu gitero cy'indege z'ingabo za Amerika

Sheikh Ahmad Umar niwe wasimbuye ku buyobozi bwa al Shabaab, Ahmed Abdi Godane waguye mu gitero cy'indege cy'ingabo za Amerika mu minsi ishize.

Ibyo byatangarijwe mu itangazo uwo mutwe wasohoye kuri interineti uvuga ko uzahorera Ahmed Abdi Godane.

Nta byinshi bizwi ku buzima bwa Ahmad Umar, unazwi ku izina rya Abu Ubaidah.

Abategetsi bo muri Somalia basabye igihugu cyose kuba maso kubera ko ibitero byo kwihorera al Shabaab ishobora kugaba nyuma yaho Amerika itangarije ko yishe umuyobozi wayo.

Hagati aho, leta yirukanye umuyobozi mukuru w'urwego rushinzwe iperereza imushinja kudakora akazi ke neza.

Abdullahi Mohamed Ali yari amaze kuri uwo mwanya amezi abiri gusa.