Amerika yatabaye ingabo za leta ya Irak

Amerika imaze kugaba ibitero by'indege birenga 160 muri Irak kuva mu kwezi kwa 8 Uwufise ububasha kw’isanamu AFP
Image caption Ibitero by'indege birenga 160 nibyo Amerika imaze kugaba muri Irak kuva mu kwezi gushize

Igisirikare cya Amerika kiravuga ko cyagabye igitero cy'indege cyangije ibirindiro by’inyeshyamba zo mu mutwe wa Islamic state biri mu majyepfo y’uburengerazuba bw’umurwa mukuru Baghdad.

Izo ntagondwa zakoreshaga ibyo birindiro zirasa ku ngabo za leta ya Irak.

Iki gitero kibaye nyuma y’iminsi itanu Perezida wa Leta zunze ubumwe za Amerika, Barack Obama atangaje umugambi we mushya wo kunesha no kuvanaho umutwe wa Islamic state umaze kwigarurira ahantu hanini muri Syria no muri Irak.

Amerika kandi imaze iminsi yumvisha ibihugu binyuranye kwibumbira hamwe ngo birwanye uwo mutwe.

Indege za gisirikare za Amerika zimaze kugaba ibitero birenga 160 muri Iraq kuva mu kwezi gushize kwa munani.