Igeragezwa ry'urukingo rwa Ebola ku bantu

Urukingo rwa Ebola niriboneka ruzabanza guhabwa abaganga bita ku bayirwaye Uwufise ububasha kw’isanamu AFP
Image caption Urukingo rwa Ebola niriboneka ruzabanza guhabwa abaganga bita ku bayirwaye.

Abashakashatsi bo mu Bwongereza batangiye kugeragereza ku bantu urukingo rw'agakoko gatera indwara ya Ebola.

Urwo rukingo rurimo kugeragerezwa ku bantu 60 bafite ubuzima buzira umuze nyuma yaho igeragezwa ryakorewe ku nyamaswa ryatanze ibisubizo byiza.

Dr Edward Wright wo muri Kaminuza ya Westminster yavuze ko abo bashakashatsi bafashe agace gatoya cyane k'ibigize uturemangingo twibanze tw'agakoko ka Ebola maze bakavanga n'agakoko gatera inguge indwara ya giripe (grippe) isanzwe.

Abo bashakashatsi bafite ikizere ko urwo ruvange ruzabyara abasirikare barinda umuntu kwandura Ebola.

Uru rukingo ruramuze rukoze, mu mpera z'uyu mwaka rushobora guhabwa abaganga bavura abarwayi ba Ebola.