Obama yahagurukiye kurwanya Ebola

Ebola imaze guhitana abantu barenga 2400 muri Afurika y'Uburengerazuba Uwufise ububasha kw’isanamu AFP
Image caption Ebola imaze guhitana abantu barenga 2400 muri Afurika y'Uburengerazuba.

Perezida wa Amerika, Barack Obama, yavuze ko isi yose ihanze amaso igihugu cye kugirango kigire icyo gikora ariko yongeraho ko iki ari icyorezo isi yose igomba guhagurikira yivuye inyuma.

Mu ngamba Perezida Obama yatangaje harimo kohereza abasirikare 3000 bo gufasha kurwanya Ebola mu karere irimo gucamo ibintu no kubaka ibigo bishya by’ubuzima.

Amerika kandi izanatoza abakozi bakora mu rwego rw’ubuzima bagera kuri 500 buri cyumweru; ifashe mu gukoresha indege kugirango ibikoresho byo kwa muganga bigere aho bikenewe vuba; inatange n’imfashanyo y’ibikoresho byibanze bikoreshwa mu kwirinda iyo ndwara mu mago y’abantu.

Amahanga amaze igihe anengwa kugenda biguru ntege mu kurwanya icyorezo cya Ebola muri Afurika y’Uburengerazuba.

Sierra Leone, Liberia na Guinee ni byo bihugu byibasiwe cyane n’indwara ya Ebola imaze guhitana abantu barenga 2400 muri ako karere.

Benshi muri abo bamaze gupfa ni abo muri Liberia.