Ecosse yatoye kuguma mu Bwongereza

Abanya Ecosse barenga miliyoni 4 nibo biyandikishije ko bazatora Uwufise ububasha kw’isanamu b
Image caption Abanya Ecosse barenga miliyoni 4 nibo bari biyandikishije gutora.

Kamarampaka yabaye kuwa kane muri Ecosse yerekanye ko abatuye icyo gihugu bashaka ko kiguma mu Bwongereza aho kwigenga.

Nyuma yaho amajwi yo mu turere twose 32 tugize Ecosse abaruriwe, abashyigikiye ko Ecosse iguma mu Bwongereza bagize amajwi 55% naho abashakaga ko yigenga babona 45%.

Umuyobozi mukuru wa Ecosse, Alex Salmond, wari ku isonga ry’abashakaga ko icyo gihugu kigenga yasabye abanya Ecosse gukorera mu bumwe kandi anasaba uruhande rwatsinze guha Ecosse ubundi bubasha.

Minisitiri w’intebe w’Ubwongereza, David Cameron, yavuze ko ashimishijwe n’ibyavuye muri iyo kamarampaka kuko Ubwami bwunze ubumwe bw’Ubwongereza bugiye kuguma uko bwari bumeze.

Yanongeyeho kandi ko ubundi bubasha bwasezeranijwe Ecosse buzatangwa.