'Bishwe' barwanya Ebola muri Guinee

Ebola imaze guhitana abantu 2600 muri Afurika y'uburengerazuba Uwufise ububasha kw’isanamu AFP
Image caption Ebola imaze guhitana abantu 2600 muri Afurika y'uburengerazuba.

Abategetsi bo muri Guinee baravuga ko babonye imirambo y’abantu bivugwa ko bashobora kuba bari mu itsinda ry’abaganga n’abanyamakuru baburiwe irengero mu ntangiriro za kino cyumweru.

Umuvugizi wa leta ya Guinee yatangaje ko muri iyo mirambo harimo iy’abanyamakuru batatu bari muri iryo tsinda.

Abo baganga n’abo banyamakuru bari bagiye mu gikorwa cyo gukangurira abantu kwirinda indwara ya Ebola.

Baburiwe irengero nyuma yaho bagabiweho igitero kuwa kabiri mu murenge uri hafi y’umujyi wa Nzerekore uri mu majyepfo ya Guinee.

Abaganga 3 n'abanyamakuru 3 baburiwe irengero nyuma yaho baterewe amabuye n’abaturage igihe bageraga mu murenge wa Wome uri hafi y’ahantu Ebola yagaragaye bwa mbere muri icyo gihugu mu ntangiriro z’uyu mwaka.

Umwe mu banyamakuru wabashije gukiza amagara ye yavuze ko yumvise abatuye uwo murenge barimo kubashakisha uruhindu igihe we yari yihishe.

Abantu barenga 2600 nibo bamaze guhitana n’indwara ya Ebola muri Afurika y’uburengerazuba