Al Shabaab yatakaje umujyi wa Barawe

Ingabo za Amisom zitera inkunga ingabo za leta ya Somalia. Uwufise ububasha kw’isanamu AFP
Image caption Ingabo za Amisom zitera inkunga ingabo za leta ya Somalia.

Ingabo za leta ya Somalia zitewe inkunga n'ingabo z'umuryango w'ubumwe bwa Afurika (AMISOM) zigaruriye umujyi wa nyuma wari ukiri mu maboko y'intagondwa zigendera ku matwara akaze ya Islamu zo mu mutwe wa Al Shabaab mu majyepfo y'igihugu.

Umujyi wa Barawe - ukora ku nyanja - uri ku birometero 200 uvuye mu majyepfo y'uburasirazuba bw'umurwa mukuru Mogadiscio.

Wari umaze imyaka itandatu ugenzurwa na Al Shabaab.

Umuryango w'ubumwe bwa Afurika uvuga ko izo nyeshyamba zawukoreshaga mu kugaba ibitero ku murwa mukuru Mogadiscio.

Intagondwa zo mu mutwe wa Al Shabaab zatangiye kuwuhunga mu minsi mikeya ishize.