ONU irasaba imfashanyo yihutirwa yo kurwanya Ebola

Ebola imaze guhitana abantu 4500 Uwufise ububasha kw’isanamu Getty
Image caption Ebola imaze guhitana abantu 4500.

Umunyamabanga mukuru wa ONU, Ban Ki-moon yongeye gusaba inkunga y’amafaranga yihutirwa yo gufasha mu kurwanya icyorezo cya Ebola.

Ban Ki-moon yavuze ko ku mafaranga agera kuri miliyari imwe y’amadolari yari yasabye mu kwezi gushize hamaze kuboneka gusa ibihumbi 100.

Yunze ijwi mu ry’abandi bayobozi bakomeye b’ibihugu bamaze iminsi banenga igikorwa cyo kurwanya Ebola.

Iki cyorezo kimaze guhitana abantu 4500 biganje cyane cyane muri Liberia, Sierra Leone na Guinee.

Umunyamabanga mukuru wa ONU yongeyeho ko igihe kigeze ngo ibihugu bifite ubushobozi buhagije bitange inkunga igaragara y’amafaranga n’ibikoresho byo kurwanya indwara ya Ebola.